Monday, 6 October 2014

ജീീീീൻസ് 



സ്ത്രീകൾക്ക് എന്ത് വസ്ത്രം ധരിക്കണമെന്ന് തീരുമാനിക്കാനുള്ള അവകാശം ഇന്ത്യയിലുണ്ട്..(മറ്റു പല രാജ്യങ്ങളിലും അതില്ല എന്നിരിക്കെ)...അതുകൊണ്ട് അത് വിട്ടു പിടി..യേശുദാസിന്റെ പ്രസ്താവനയെ അനുകൂലിച്ചും വിമർശിച്ചുമുള്ള ധാരാളം പോസ്റ്റുകളും കമ്മന്റുകളും കണ്ടു..എന്റെ നിരീക്ഷണം ഇതാണ്...

കേരളത്തിലെ, "പ്രലോഭനപ്പെട്ടു പോകുന്ന/പോകുമോ എന്ന് പേടിക്കുന്ന കുഞ്ഞാടുകൾക്ക്" വേണ്ടി ഞാൻ പുരുഷനോട്ടത്തിലൂടെ തന്നെ എൻറെ സ്ത്രീ അനുഭവങ്ങൾ പറയെട്ടെ..


(വസ്ത്ര ധാരണത്തിലെ അപാകതയാണ് പീഡനത്തിനു കാരണം എന്ന് വാദിക്കുന്നവരൊട് ഒന്നും പറയാനില്ല..അവരുടെ വീടുകളിലെ/ കണ്‍വെട്ടത്തുള്ള സ്ത്രീകളെ കാത്തോളണേ ദൈവമേ എന്ന് മാത്രം പ്രാർഥിക്കുന്നു.. )

1. ജീൻസിനെ എതിർത്തവരിലെ ഒരു കൂട്ടരുടെ വാദം "ഇറുകിയ ജീൻസ് ആരോഗ്യ പ്രശ്നങ്ങൾ ഉണ്ടാക്കുന്നു", "നമ്മുടെ കാലാവസ്ഥക്ക് ചേർന്നതല്ല" എന്നതാണ്..എന്നാൽ, കേരളത്തിലെ പെണ്‍കുട്ടികൾ ജീൻസ് ധരിക്കരുതെന്ന് യേശുദാസ് പറഞ്ഞത് അവരുടെ ആരോഗ്യ പ്രശ്നം കണക്കിലെടുത്തല്ല..പകരം 'പുരുഷന്മാരെ വിഷമിപ്പിക്കരുത്' എന്ന, 'അവരെ വേണ്ടാദീനം ചെയ്യാൻ പ്രേരിപ്പിക്കരുത്' എന്ന, തീർത്തും സ്ത്രീ വിരുദ്ധമായ നിലപാടിലൂടെയാണ്..അതുകൊണ്ട് തന്നെ അദ്ദേഹത്തിന്റെ ലക്ഷ്യവും മാർഗവും സ്ത്രീ വിരുദ്ധതയിൽ ഊന്നിയതാണ്..ഞാൻ അതിനെ പ്രതികൂലിക്കുന്നു..(ഇനി കാലാവസ്ഥയാണ് വിഷയം എങ്കിൽ ഈ കൊടും ചൂടിൽ നിങ്ങൾ ആദ്യം എതിർക്കേണ്ടത് പർദയെ ആണ്..) 

2. ഇനി ജീൻസിനെ പറ്റി..വളരെ ചെറുപ്പം മുതൽ ജീൻസ് ധരിക്കുന്ന ഒരു പെണ്‍കുട്ടിയാണ് ഞാൻ..എനിക്ക് ചുരിദാർ, സാരി എന്നിവയാണ് ഏറ്റവും അസൌകര്യം ആയി തോന്നിയിട്ടുള്ളത്..സാരി എത്ര പിന്നു കുത്തിയാലും താഴോട്ടിറങ്ങി പോകുമോ,വയറു കാണുമോ,മുന്താണി എവിടേലും ചെന്ന് കുരുങ്ങുമോ എന്നും ചുരിദാർ ആണെങ്കിൽ ഷാൾ എങ്ങനെ കുത്തണം, സഞ്ചരിക്കുമ്പോൾ കാറ്റത്ത് ഷാൾ മാറിടത്തിൽ നിന്ന് തെന്നി നീങ്ങുമോ തുടങ്ങി യ പലവിധത്തിലെ ചിന്തകൾ.. ഇത് കേരളത്തിൽ മാത്രേ എനിക്ക് പ്രശ്നമുള്ളൂ..കാരണം പുരുഷന്മാരുടെ തുറിച്ചു നോട്ടമാണ് ഇത്തരം ടെൻഷൻ ഉണ്ടാക്കുന്നത്..ജീൻസ് ഒരു പരിധിക്കപ്പുറം അയഞ്ഞു തൂങ്ങിയത് ധരിക്കാൻ പറ്റില്ല..
എന്നാൽ ഇറുകിയ ജീന്സിന്റെ ആരോഗ്യ പ്രശ്നങ്ങളെ പറ്റി സംസാരിക്കുമ്പോൾ നാം മറന്നു പോകുന്ന ഗൗരവതരമായ മറ്റൊരു പ്രശ്നം ഉണ്ട് ...സ്ത്രീകളുടെ അടിവസ്ത്രങ്ങൾ...


3. ഇറുകിയ വസ്ത്രം ധരിച്ച് പ്രലോഭിപ്പിക്കരുതെന്നു പറയുന്നവർ തന്നെയാണ് ഇറുകിയ അടിവസ്ത്രങ്ങൾ ധരിച്ച് എല്ലാം "ഒതുക്കി വക്കാൻ" പറയുന്നതും..അയഞ്ഞ ബ്രാ ധരിച്ച, അല്ലെങ്കിൽ ബ്രാ ധരിക്കാത്ത പെണ്ണും പ്രലോഭനകരമാണെന്ന് ഇക്കൂട്ടർ പറയും.. ബ്രാ കേരളീയ വസ്ത്രമല്ല, അത് ഉപയോഗിക്കരുതെന്ന് ആരും പറയാത്തതെന്തേ??? ഇറുകിയ ബ്രാ സ്തനാർബുദത്തിനു കാരണമാകുന്നുണ്ട്..അപ്പൊ സ്തനാർബുദം വന്നാലും വേണ്ടില്ല കേരളത്തിലെ ചില പുരുഷ (?) കേസരികളുടെ കണ്ട്രോൾ പോകരുത്...അതാണ്‌ പ്രധാനം..

4. ഇനി അയഞ്ഞ "കുലീന" വസ്ത്രങ്ങളെ പറ്റി...സാരിയാണ് ഏറ്റവും നല്ലതെന്ന് പലരും പറയുന്നത് കേട്ടു...അയഞ്ഞ ബ്ലൌസ് ധരിച്ച ഒരു സ്ത്രീയെ നിങ്ങൾ എവിടെ എങ്കിലും കണ്ടിട്ടുണ്ടോ??അത് പറ്റില്ല..അയഞ്ഞ ബ്ലൌസ് ധരിച്ചാൽ സാരി നേരെ നില്ക്കില്ല..മാറിടത്തിൽ നിന്നൂർന്നു പോകും..ഇനി അടിപാവാട...അത് വയറു കീറി പോകുന്ന പരുവത്തിലാണ് മുറുക്കി കെട്ടേണ്ടത്..അല്ലേൽ താഴേന്നു ഊര്ന്നു പോകും..അമ്മമാരും അധ്യാപികമാരും ഇതൊക്കെ ധരിക്കുന്നത് കാണുമ്പോൾ എത്ര സിമ്പിൾ എന്ന് തോന്നും, അല്ലെ??പക്ഷെ ഒരു തവണ ഉടുത്തു ഒന്ന് യാത്ര ചെയ്തു വരിക..അതിന്റെ ബുദ്ധിമുട്ട് മനസ്സിലാവാൻ..
അഞ്ചു മീറ്റർ നീളത്തിൽ സാരി വലിച്ച് ധരിക്കുന്നവർ വിയർത്തു കുളിക്കുന്നത് കാണാം..സാരി കാലാവസ്ഥ ഫ്രണ്ട് ലി ആണെന്ന് എനിക്ക് ഒട്ടും അഭിപ്രായമില്ല..പണ്ടാണെങ്കിൽ വയറും മുതുകും ഒക്കെ തുറന്നിടാമായിരുന്നു..കേരളത്തിലെ മുതിർന്ന സ്ത്രീകൾ പണ്ടും ഇപ്പോഴും അങ്ങനെ ആണ് സാരി ധരിച്ചിരുന്നത്/ധരിക്കുന്നത്..അന്നത് പ്രശ്നമില്ലായിരുന്നു..ഇന്ന് കേരളത്തിലെ വർദ്ധിച്ചു വരുന്ന ഞരമ്പ്‌ രോഗികൾ കാരണം യുവതലമുറക്ക് അങ്ങനെ ധരിക്കാൻ പറ്റില്ല..അതും പ്രലോഭന പട്ടികയിൽ കൂട്ടും..


5. ഇനി ചുരിദാർ...പൊതുവെ കിട്ടുന്ന ചുരിദാർ സെറ്റുകളിലെ പാന്റിന്റെ പീസ്‌ വളരെ നേര്ത്തതായിരിക്കും..അത് കാരണം ഈ പാന്റിന്റെ അടിയിൽ അതേ നിറത്തിലെ ഇറുകിയ ലെഗ്ഗിങ്ങ്സ് ഇട്ടു സുതാര്യത അഡ്ജസ്റ്റു ചെയ്യുന്ന നിരവധി പെണ്‍കുട്ടികൾ ഉണ്ട് കേരളത്തിൽ..ഇതും തുറിച്ചു നോട്ടം ഒഴിവാക്കാനാണ്..ചുരിദാർ ഒരുപാട് അയഞ്ഞത് തയ്പിച്ചാൽ ബ്രാ പുറത്ത് കാണുകയും ഷാൾ ഊർന്നു പോവുകയും ചെയ്യും.. അയഞ്ഞ വസ്ത്രം ധരിക്കുകയും അതിനുള്ളിൽ ഇറുകി പിടിച്ച അടിവസ്ത്രം ധരിക്കുകയും ചെയ്യുന്നതാവും കുലസ്ത്രീയുടെ ലക്ഷണം അല്ലെ??? എങ്കിൽ അതങ്ങ് പച്ചക്കു പറയുക..ആരോഗ്യം, കാലാവസ്ഥ എന്നൊന്നും പറഞ്ഞ തടി തപ്പണ്ട..

6. പലരുടെയും കമ്മന്റിൽ കണ്ടത് സ്ത്രീ വസ്ത്രം ധരിക്കുന്നതെ പുരുഷനെ പ്രലോഭിപ്പിക്കാനാണെന്ന് ആണ്..അല്ല സുഹൃത്തുക്കളെ..സൗകര്യപ്രദമായ, ആത്മ വിശ്വാസം നല്കുന്ന വസ്ത്രങ്ങൾ ധരിക്കുന്നവരാണ് ഭൂരിഭാഗം...ഇനി ആണുങ്ങളെ "പ്രലൊഭിപ്പിച്ചിട്ട്" എന്ത് കിട്ടാനാണ്‌??ഏതെങ്കിലും വ്യക്തി ബലാല്സംഗം ചെയ്യപ്പെടാൻ ആഗ്രഹിക്കുമോ?? അത് സ്ത്രീ ആയാലും പുരുഷനായാലും?? (റേപ്പ് ആണ് ഉദ്ദേശിച്ചത്, അതിന്റെ അർഥം സെക്സ് എന്നല്ല)..ഭംഗിയുള്ള വസ്ത്രം ധരിക്കുമ്പോൾ ആകർഷണീയത വർദ്ധിക്കും എന്ന് അത് ധരിക്കുന്നവർ കരുതിയാൽ പോലും അതിനെ ലൈംഗികതയുമായി കൂട്ടികെട്ടുന്നവർ, അങ്ങനെ ഒരു കാര്യത്തിനു വേണ്ടി മാത്രമുള്ളതാണ് സ്ത്രീകൾ എന്ന ചിന്താഗതി ഉള്ളവരാണ്.. അവരുടെ ചിന്തകൾ കുറച്ചു കൂടി വിശാലമായിരുന്നെങ്കിൽ എന്ന് പ്രാർഥിക്കുന്നു..

NB : ഇനി എൻറെ വ്യക്തിപരമായ അഭിപ്രായം..അഞ്ഞൂറ് രൂപക്ക് ഒരു ജീൻസ് വാങ്ങിയാൽ പല തരം ടോപ്പുകളുടെ കൂടെ ഒരുപാട് തവണ ഉപയോഗിക്കാൻ പറ്റും..നൂറു രൂപ മുതൽ ടോപ്പുകൾ കിട്ടും..ആയിരം രൂപക്ക് ഒരു ചുരിദാർ സെറ്റ് വാങ്ങി അത് തയ്പ്പിച്ച് ഉപയോഗിക്കുന്നതിനേക്കാൾ ബുദ്ധി അതേ പൈസക്ക് ഒരു ജീൻസും അഞ്ചു ടോപ്പും വാങ്ങിച്ചു ഉപയോഗിക്കുന്നതാണ്..
(ഇവിടെ വടക്കേ ഇന്ത്യയിൽ കൊടും തണുപ്പത്ത് ജീൻസ് മാത്രേ ഉപയോഗിക്കാൻ പറ്റൂ..അപ്പോഴോ??)

"ഞങ്ങളെ ഒരു രോഗിയാക്കാൻ അത് മതി...വലിയ രോഗി" എന്ന് പാറക്കല്ലിൽ ചിരട്ട ഉരച്ച ശബ്ദത്തിൽ കേരളത്തിലെ ഞരമ്പ്‌ രോഗികളുടെ ഹൃദയം വിങ്ങുന്നുണ്ടാവാം..അയാമെ സോറി...

3 comments:

  1. Wearing jeans isn't a bad thing as a whole. And I do believe that the media shouldn't be giving so much attention to his words if we refer to the past experiences from him. There isn't absolutely any doubt that Dasettan is the most superb singer so far we have seen, but it doesn't mean what ever he is stating is true or unquestionable. A few years back he disgraced the reality shows and afterwards we saw him in of the shows making comments on the participants and even influencing the judges as well. For me Jeans isn't a bad dress and it is much more easier for the women to wear and control rather than other clothes. I always supported by family in using it and advised to avoid whenever going got temples or such places, so need not worry and please use the clothes which helps you more comfort and happiness. We are the one to decide about happiness and not any celebrity. Wishing you a great day.

    ReplyDelete